काठमाण्डौ । वाग्मती धाप परियोजनाको ९८ प्रतिशत काम सकिएसँगै आउँदो कात्तिकदेखि वाग्मती नदीमा सफा पानी बग्ने भएको छ ।
गोकर्णेश्वर नगरपालिका वडा नम्बर १ मा पर्ने वाग्मती धाप परियोजनामा जम्मा गरिएको पानी आउँदो असोज २९ गतेपछि वाग्मती नदीमा पठाउने तयारी भइरहेको छ ।
यो धाप नेपालमै पहिलो सीएफआरडी ड्याम पनि हो ।
उपत्यकाको उत्तरपश्चिम चुचुरो मूलखर्क गाउँको सिरानमा बनिरहेको कृत्रिम ताल निर्माणको लागत ४५ करोड रुपैयाँ हो । यो ताल आठ हेक्टर अर्थात १५८ रोपनीमा फैलिएको छ ।
सन् २०१५ देखि ड्यामको काम सुरु गरिएको थियो ।
