काठमाडौं । आज बिहान देशभर आंशिकदेखि सामान्य बदली रहेको छ ।
बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानमा मेघगर्जन र चट्याङ्गसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।
बुधबार दिउँसो भने देशभर आंशिकदेखि सामान्य बदली हुनेछ ।
देशका पहाडी भू-भाग र बाँकी भू-भागका केही स्थानमा मेघगर्जन र चट्याङ्गसहित हल्कादेखि मध्यम वर्षाको सम्भावना रहेको छ ।
प्रदेश-१, बागमती र गण्डकी प्रदेशका केही स्थानमा भारी वर्षाको समेत सम्भावना रहेको छ ।
बुधबार राति भने बागमती, गण्डकी, लुम्बिनी, कर्णाली र सूदूरपश्चिम प्रदेशमा सामान्य बदली हुने भएको छ ।
साथै बाँकी भू-भागमा भने आंशिकदेखि सामान्य बदली हुने महाशाखाले जनाएको छ ।
