मोरङ । आगामी जेठ ३२ गते विराटनगरमा आयोजना हुने ‘मिस नेवा कोशी’को फाइनल राउण्डमा १६ जना प्रतियोगिहरुले प्रवेश पाएका छन् ।
स्थानिय बिग होटलमा आज आयोजित अन्तिम अडिसनमा निर्णायकले सोधेका प्रश्नहरुको जवाफ दिँदै धरान,विराटनगर र इटहरीका १६ जना युवतीहरु फाइनल राउण्डमा प्रवेश गरेका हुन् ।अडिसनमा सहभागि प्रतियोगि समक्ष साहित्यकार सरिता तुलाधर,कवि एवम पत्रकार मिनकुमार नवोदित र मिस नेवा कोशीको यसअघिका उपाधि विजेता सुधा श्रेष्ठले प्रश्नहरु सोध्नु भएको थियो ।
मन्जिना मुभी क्रिएसनको आयोजनामा मिस नेवाको तेश्रो संस्करण यहि जेठ ३२ गते विराटनगरस्थित वीरेन्द्र सभागृहमा आयोजना हुन लागेको हो ।प्रतियोगिताका उपाधि विजेतालाई स्कुटी र ५ लाखको बिमा सहित क्राउन प्रदान गरिने प्रतियोगिता संयोजक जतिन ताम्राकारले जानकारी दिनुभयो ।
