काठमाडौं । नेपाल प्रिमियर लिग (एनपीएल) लाई आधार बनाएर अनलाइन सट्टेबाजी गरेको आरोपमा प्रहरीले पाँच जनालाई पक्राउ गरेको छ ।
दाङको लमही नगरपालिका–५ रातोडाँडास्थित जस्मिन होटल एण्ड लजमा सट्टेबाजी भइरहेको सूचनाका आधारमा प्रहरीले उनीहरूलाई पक्राउ गरेको हो ।
पक्राउ पर्नेमा एक नेपाली र चार भारतीय नागरिक छन् । प्रहरीले उनीहरूको साथबाट सट्टेबाजीको कारोबारमा प्रयोग भएका दुई थान डेस्कटप कम्प्युटर, तीन थान ल्यापटप र १३ थान मोबाइल फोन बरामद गरेको जनाएको छ ।