झापा । झापाको गौरीगञ्जमा आगलागी हुँदा भान्सा घर र एउटा मोटरसाइकलमा क्षति पुगेको छ ।
मंगलबार बिहानको राति २ बजेको समयमा गौरीगञ्ज गाउँपालिका वडा नं.६ कनचिरा बस्ने मजेबुल मियाँको इँटाको वाल र टिनको छानो भएको भान्साघरको चुलोबाट अचानक आगो सल्किएको जिल्ला प्रहरी कार्यालय झापाले जनाएको छ ।
आगलागीबाट भान्साघरमा सामान्य क्षति पुगेको छ भने उक्त भान्साघरभित्र राखेको भारतीय नम्बरप्लेट भएको बीआर ४११५ न. को सुपर स्प्लेण्डर मोटरसाइकल पूर्ण रुपमा जल्दा अन्दाजी १ लाख २५ हजार मूल्य बराबरको क्षति भएको प्रहरीले जनाएको छ ।
