काठमाडौं । काठमाडौंस्थित सतुंगलमा सशस्त्र बलको केन्द्रीय स्टोर भएको घरमा आगलागी भएको छ ।
काठमाडौंका एसपी नवराज अघिकारीले सशस्त्र प्रहरी (एपीएफ)को जिन्सी सामान राखेको गोदाम घरमा आगलागी भएको जानकारी दिए ।
सशस्त्र प्रहरी बलका सहप्रवक्ता शैलेन्द्र थापाका अनुसार सशस्त्र बलको केन्द्रीय स्टोरमा आगलागी भएको हो । त्यहाँ देशैभरका सशस्त्र प्रहरीका लागि चाहिने जिन्सी सामान राखिएको थियो ।
अहिले आगो नियन्त्रणका लागि दमकल पुगेको थानकोट प्रहरीले जनाएको छ ।
थानकोटका डीएसपी सूर्य सुवेदीका अनुसार आगो नियन्त्रणको प्रयास जारी छ । बिजुली सर्ट भएर आगलागी भएको आशंका गरिएको उनले बताए ।
