झापा । नेकपा एमालेको विद्यार्थी संगठन अनेरास्ववियु झापाको अध्यक्षमा बलराम गिरी निर्वाचित हुनु भएको छ ।
शनिवार सम्पन्न निर्वाचनबाट अध्यक्षमा गिरी निर्वाचित हुनुभएको हो ।
गत जेठ २९ गते भएको २१ औं जिल्ला अधिवेशन उद्घाटन कार्यक्रम सहमतिका लागि स्थगित गरिएको थियो ।
सहमति विफल भएपछि जिल्ला पार्टी कार्यालयमा मतदान गरिएको हो । अध्यक्षका लागि गिरी र नारायण पोखरेलले प्रतिष्पर्धा गरेका थिए ।
उपाध्यक्षमा अरुण तिम्सिना सर्वसम्मत हुनुभएको छ । सचिवमा बालचन्द्र कार्की निर्वाचित भएका छन् भने सहसचिवहरुमा मदन ओली, विनिता न्यौपाने र पूजा सुवेदी निर्वाचित भएका छन् । कोषाध्यक्षमा सलिना गुरुङ सर्वसम्मत हुनुभएको छ ।
सदस्यहरुसमेत सर्वसम्मत भइसकेको नेताहरुले जानकारी दिएका छन् ।
