पाँचथर । भीषण बर्षाका कारण फिदिम-जोरपोखरी जोड्ने हेवा खोलाको पक्की पुल बाढीले बगाएका कारण मेची राजमार्गमा सवारी आवागमन ठप्प भएको छ ।
पाँचथरको फिदिम नगरपालिका ४ मा रहेको उक्त पुल बाढीले बगाएपछि पाँचथर-ताप्लेजुङको यातायात सम्पर्क विच्छेद भएको छ ।
भीषण बर्षाका कारण तमोर करिडोरको बेलीब्रिज पनि बाढीले बगाएको खबर छ ।
पाँचथरकै फालेलुङ-मच्छेबुङ मोटरेवल पुल पनि बाढीले बगाएको बताइएको छ । बर्षाका कारण पहिरो/बाढीमा परेर केही मानिसहरू सम्पर्कमा नरहेको जिल्ला प्रहरी कार्यालय पाँचथरले जनाएको छ । विस्तृत जानकारी आउन बाँकी रहेको प्रहरीको भनाइ छ ।
