काठमाडौं । ऐतिहासिक पृष्ठभूमिको आधारमा प्रदेश १ को पुनःनामाङ्करण हुनुपर्ने भन्दै काठमाडौंमा विरोध प्रदर्शन भएको छ ।
प्रदेशको नाम कोशी खारेज गरि ऐतिहासिक पृष्ठभूमिको आधारमा प्रदेश १ को पुनःनामाङकरण हुनुपर्ने भन्दै किरात याक्थुङ चुम्लुङ लगाएतका संस्थाहरुले शुक्रबार काठमाडौंको माइतीघरमा विरोध प्रदर्शन गरेका हुन् ।
उनीहरुले पहिचानका आधारमा प्रदेश १ को पुनःनामाङकरण हुनुपर्ने माग राखेका छन् भने प्रदेश नामाङ्करणको विरोधमा भएको प्रदर्शनका ज्यान गुमाएका लाजेहाङ लिम्वुलाई सहिद घोषणा गर्नुपर्ने माग राखेका छन् ।
प्रदेश १ को नाम कोशी राख्ने निर्णय खारेज नभएसम्म निरन्तर आन्दोलन गर्ने उनीहरुले चेतावनी दिएका छन् ।
