काठमाडौं । करण राई ‘द भ्वाइस अफ नेपाल’को चौथो सिजनका विजेता बन्नुभएको छ ।
शुक्रबार भएको ग्राण्ड फिनालेमा दर्शकको भोटको आधारमा उहाँ विजेता बन्नुभएको हो ।
विजेता बन्नुभएका करणले नगद २५ लाखसहित पल्सर एन १६० मोटरसाइकल, साढे दुई तोला सुनको सिक्री, ग्यालेक्सी जेड फोल्ड फोन पुरस्कार प्राप्त गर्नुभयो ।
करणले टिम राजुबाट प्रतिस्पर्धा गर्नुभएको थियो । टिम राजेश समूहबाट सविना योङहाङ लिम्बू फस्ट रनरअप घोषित हुनुभयो ।
टिम प्रमोदबाट योगेश मगर सेकेण्ड रनरअप घोषित हुनुभयो । टिम प्रविशाबाट शाइल लिम्बू थर्ड रनरअप बन्नुभयो ।
