बारा । बाराको जितपुर सिमरा उपमहानगरपालिका-२२ अम्लेखगन्जस्थित यात्रुबाहक बस दुर्घटना हुँदा मृत्यु हुनेको संख्या १४ पुगेको छ ।
गम्भीर घाइतेमध्ये थप चार जनाको मृत्यु भएको इलाका प्रहरी कार्यालय सिमराका डिएसपी युवराज तिमल्सिनाले जानकारी दिनुभयो ।
उहाँका अनुसार दुर्घटनामा परि १५ जना गम्भीर घाइते भएका छन् ।
बिहीबार बिहान नारायणघाट बाट बीरगन्ज तर्फ आउदै गरेको बा प्र ०६-००१ ख ०११० नम्बरको बस दुर्घटनामा परेको थियो ।
३५ जना यात्रु सवार भएको बस बिहान साढे १० बजेको समयमा जीतपुर सिमरा उपमहानगरपालिका–२२ अमलेखगञ्जस्थित ३ नम्बर पुलबाट तल खोलामा खसेको थियोे ।
घाइतेहरुलाई हेटौंडाको चुरेहिल अस्पताल र सिमराको अल्पाइन अस्पतालमा उपचार भइरहेको डिएसपी तिमल्सिनाले बताउनुभयो ।
