काठमाडौँ । नेपाली कांग्रेसका सभापति तथा प्रधानमन्त्री शेरबहादुर देउवाले कांग्रेसका शीर्ष नेताहरूको बैठक बोलाउनु भएको छ ।
देउवाले सिट बाँडफाँटका लागि गठबन्धनले बनाएको कार्यदलको बैठकअघि शीर्ष नेताहरुलाई छलफलका लागि बोलाउनु भएको हो ।
आज बिहान साढे ९ बजे प्रधानमन्त्रीको सरकारी निवास बालुवाटारमा पार्टीका नेताहरुको बैठक बस्न लागेको हो।
आगामी मंसिर ४ गते हुने प्रतिनिधि सभा र प्रदेश सभा निर्वाचनमा चुनावी तालमेल गर्ने गठबन्धनमा सहमति भएर सिट बाँडफाँटका लागि कार्यदल गठन भइसकेको अवस्थामा देउवाले पार्टीमा छलफल गर्न लाग्नुभएको हो ।
सत्ता गठबन्धनले बनाएको कार्यदलको बैठक दिउँसो बस्दैछ।
