भारतीय विदेश सचिव मिश्री आज काठमाडौं आउँदै, नेपाल–भारत सम्बन्धबारे छलफल हुने
१८ कात्तिक, काठमाडौं । भारतीय विदेश सचिव विक्रम मिश्री आज दुईदिने औपचारिक भ्रमणका लागि काठमाडौं आउँदैछन् । नेपालका परराष्ट्र सचिव अमृतबहादुर राईको निमन्त्रणामा उनी नेपाल आउन लागेका हुन् ।
परराष्ट्र मन्त्रालयका अनुसार भ्रमणका क्रममा नेपालका परराष्ट्र सचिव राई र भारतीय विदेश सचिव मिश्रीबीच द्विपक्षीय वार्ता हुनेछ । वार्तामा नेपाल–भारत सम्बन्धका विविध पक्षको समीक्षा गर्नुका साथै आपसी हितका विषयमा विचार आदानप्रदान हुनेछ ।
प्रधानमन्त्री वालेन्द्र शाहको प्रस्तावित भारत भ्रमणको तयारीका क्रममा हुन लागेको मिश्रीको भ्रमणलाई दुई देशबीचको उच्चस्तरीय कूटनीतिक संवादका रूपमा हेरिएको छ ।
भ्रमणका क्रममा दुवै देशबीच लामो समयदेखि कायम रहेको घनिष्ठ तथा मैत्रीपूर्ण सम्बन्धलाई थप सुदृढ बनाउने विषयमा पनि छलफल हुनेछ ।
मिश्रीले नेपालका उच्चपदस्थ अधिकारीहरूसँग शिष्टाचार भेटघाट गर्ने कार्यक्रमसमेत रहेको मन्त्रालयले जनाएको छ । उनी कात्तिक १९ गते बिहीबार भ्रमण सम्पन्न गरी नयाँदिल्ली फर्कनेछन् ।