शिवसताक्षी । निर्वाचन कार्यालयले एक कार्यक्रम गरी नव निर्वाचित जनप्रतिनिधिहरुलाई प्रमाण पत्र प्रदान गरेको हो ।कार्यक्रममा निर्वाचन अधिकृत मधु पोख्रेलले शिवसताक्षीका ५७ जना जनप्रतिनिधिहरुलाई प्रमाण पत्र प्रदान गर्नु भएको थियो । प्रमाण पत्र वितरणका क्रममा बोल्दै अधिकृत पोख्रेलले निर्वाचन सफल बनाउने सहयोग गर्ने राजनीतिक दल, कर्मचारी, शिवसताक्षी नगरपालिका सुरक्षा निकायलगायत धन्यवाद दिदै । सम्पुर्ण जनप्रतिनिधीहरुलाई बधाई तथा शुभकामना व्यक्त गर्नु भयो ।
कार्यक्रममा बोल्दै नवनिर्वाचित शिवसताक्षी नगरप्रमुख मेघहाङ्ग थोप्रा रोषनले जनप्रतिनिधीले नगरबासीको जन भावना अनुरुप काम गर्नु पर्ने बताउनु भयो ।
वडाध्यक्षहरुको तर्फबाट नवनिर्वाचित शिवसताक्षी नगरपालिका वडा नं २ का वडाध्यक्ष भिम नेम्वाङ्ग, शिवसताक्षी ८ अध्यक्ष सन्त फेवदिनले बोल्दै जनता लाई प्राथमिकतामा राखेर काम गर्ने बताउनु भयो ।
कार्यक्रममा शिवसताक्षी नगरपालिका प्रमुख प्रशासकीय अधिकृत प्रकाश चौधरी, लेखा अधिकृत प्रकाश योङ्गया, प्रशासन प्रमुख डिल्ली नेपाल लगायतको उपस्थिति रहेको थियो । कार्यक्रम सञ्चालक शिवसताक्षी नगरपालिका सहकारी प्रमुख तथा निर्वाचन निर्वाचत कार्यलयका कर्मचारी बद्री दाहालले गर्नु भएको थियो ।
