बिर्तामोड । नेपाल अंग्रेजी ल्याङ्ग्येज टिचर्स एसोसिएसन नेल्टा झापाद्वारा संचालित प्रशिक्षक प्रशिक्षण तालिम मंगलबार झापाको बिर्तामोडमा सम्पन्न भएको छ ।
५ दिने सो तालिममा झापा जिल्लाका १० वटा पालिकाबाट छनौट भइआएका ३० जना बिभिन्न बिषयका शिक्षकहरुको सहभागिता रहेको थियो ।
नेल्टाका सल्लाहकार हेमन्तराज दाहाल, केन्द्रिय अध्यक्ष मोतीकला सुब्बा देवान, गुणराज नेपाल, केशव भट्टराई, झापा अध्यक्ष धर्मेन्द्र भट्टराई र टीका सुबेदीले सहजिकरण गर्नुभएको ५ दिने तालिममा सहभागि प्रशिक्षकलाई प्रमुख अतिथि शिक्षा बिकास तथा समन्वय इकाइ प्रमुख राजकुमार बिक र अन्य अतिथिहरुले प्रमाणपत्र प्रदान गर्नुभयो ।
यसै क्रममा नेल्टा झापाका अध्यक्ष भट्टराइलाई नेल्टाकी केन्द्रिय अध्यक्ष सुब्बाले केन्द्रिय सदस्यमा मनोनित गरेको प्रमाणपत्र प्रदान गर्नुभयो । समापन समारोहमा सहभागि प्रशिक्षार्थी कचनकवल गाउँपालिका शिक्षा साखा प्रमुख छबिलाल बस्नेत, प्रशिक्षक टीका खतिवडा लगायतले बोल्नुभएको थियो ।
कार्यक्रम नेल्टा झापाका अध्यक्ष धर्मेन्द्र भट्टराइको सभापतित्वमा सम्पन्न भएको थियो ।
