झापा, मंसिर २१ गते । झापाको मेचीनगरबाट लागुऔषध अफिमसहित २ जनालाई प्रहरीले पक्राउ गरेको छ ।
झापाको मेचीनगर नगरपालिका–६ स्थित मेचीपुलमा लागुऔषध अफिमसहित २ जनालाई प्रहरीले पक्राउ गरेको हो ।
पक्राउ पर्नेमा भारत फ्रोजपुर का २५ बर्षिय केयर सिंह र भारत मौगा का २५ बर्षिय सुखजित सिंह रहेका छन् । सोमबार बेलुका ४ बजे भारतबाट नेपाल आउदै गरेका उनीहरुलाई ईलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले चेकजाँच गर्दा ११ ग्राम अफिमसहित पक्राउ गरिएको हो ।
पक्राउ परेका उनीहरुको ईलाका प्रहरी कार्यालय काँकरभिट्टाबाट थप अनुसन्धान भईरहेको छ ।
