झापा, मंसिर २० । माछा मार्न गएका १ जना पुरुषको खोलामा डुबेर मृत्यु भएको छ । झापाको गौरीगंज गाउँपालिका–२ पिण्डानघुटु खोलामा माछा मार्न गएका १ जना पुरुषको डुबेर मृत्यु भएको छ । मृत्यु हुनेमा झापा गाउँपालिका १ का ३८ बर्षिय भिम सोरेन रहेका छन् ।
शनिबार बेलुका माछा मार्न गएको तर बिहानसम्म घर नगए पछि सोरेनका परिवारले प्रहरीलाई खबर गरेको थियो । तत्काल प्रहरी टोलीले खोजतलास गर्ने क्रममा आइतबार साढे २ बजे मृत अवस्थामा फेला पारेको जनाएको छ।
घटना सबन्धमा ईलाका प्रहरी कार्यालय गौरीगंजबाट थप अनुसन्धान भइरहेको छ प्रहरीले जनाएको छ।
