ताप्लेजुङ, भदौ १७ । ताप्लेजुङमा ढुंगाले किचेर एक जनाको मृत्यु भएको छ ।
ताप्लेजुङको फुङलिङ नगरपालिका १० सिम्लेस्थितमा सानीमा हाईड्रोपावरमा काम गर्ने मजदुरको ढुंगाले किचेर मृत्यु भएको छ ।
फत्तालुङ गाउँपालिका १ का ४४ वर्षीय खगप्रसाद तामाङको मृत्यु भएको हो । बिहिबार दिउँसो साढे १ बजे हाईड्रोपावरको भान्सा कोठामा बसिरहको अवस्थामा माथीबाट ठुलो ढुंगा झरेर किचेपछि घटनास्थलमा मृत्यु भएको जनाइएको छ ।
घटनास्थलमा प्रहरी चौकी शिवा र जिल्ला प्रहरी कार्यालय ताप्लेजुङबाट प्रहरी टोली खटिई थप अनुसन्धान भइरहेको प्रहरीले जनाएको छ ।
तामाङ सोही हाईड्रोपावरमा खाना पकाउने काम गर्ने गर्थे ।
