नेपाली काँग्रेसका नेता गुरुराज घिमिरेले पटक पटक अवसर पाएकाहरुलाई राष्ट्रिय सभामा सहभागी गराउनु नहुने बताउनुभएको छ ।
बुधवार शेखर—गगन समूहको बैकठमा सहभागी भइ बाहिरिने क्रममा बोल्दै उहाँले यस्तो बताउनुभएको हो ।
उहाँले पटक पटक अवसर पाइसकेकाहरुको मूल्यांक भइसकेको र उनीहरुबाट कुनै राम्रो काम नभएको भन्दै अब नयाँलाई अवसर दिनुपर्ने बतउनु भयो ।
उहाँले राजनीतिक जागिर खाएजस्तो कार्य सम्पादन गर्नेहरुलाई राष्ट्रिय सभा सदस्य बनाउन नसक्ने कुरा शेखर समूहका नेतारुले पार्टी सभापति शेरबहादुर देउवालाई स्पष्ट भन्नुपर्ने बताउनु भयो ।नेता घिमिरेले बैठकमा समसामयिक राजनीतिक विषयमा पनि छलफल भएको बताउनु भयो ।
