झापा । विश्व हिन्दू परिषद्का अन्तर्राष्ट्रिय महामन्त्री मिलन पराण्डे झापाको अर्जुनधारा जलेश्वर धाममा आउनुभएको छ ।
उहाँ मंगलबार धाममा आउनुभएको धामका अध्यक्ष नवीन गट्टानीले जानकारी दिनुभयो ।
धामको ४१ औं बार्षिक अनुष्ठान अन्तर्गत अहिले श्रीमद् देवी भागवत महापुराणको आयोजना भइरहेको छ ।
गत मंसिर १७ गतेदेखि अनुष्ठानको सुभारम्भ भएको हो । गत मंसिर १९ गतेदेखि बिहान ५ बजेदेखि ७ बजेसम्म पतञ्जलि योग समितिद्वारा योग शिविरको पनि आयोजना भइरहेको छ।
आयुर्वेदका वरिष्ठ ज्ञाता आचार्य बालकृष्ण पनि मंसिर २४ गते अर्जुनधारा धाममा आउनु हुनेछ । धामको अनुष्ठान मंसिर २५ गते समापन हुँदैछ ।
