झापा । झापाको गौरादहमा पिकअप र सिटी सफारी ठोकिँदा एक जनाको मृत्यु भएको छ। दुर्घटनामा परी तीन जना घाइते भएका छन् ।
गौरादह नगरपालिकास्थित कार्की चोकमा मंगलबार बेल्ला पानीको अस्थायी नम्बर ना अ प स २५३ नम्बरको पिकअप र गौरादह नगरपालिका ई ५३ नम्बरको सिटी सफारी एक आपसमा ठोकिँदा दुर्घटना भएको थियो ।
दुर्घटनामा परी सिटी चालक गौरादह९२ निवासी अन्दाजी ५० वर्षीय रघुनाथ काफ्लेको मृत्यु भएको जिल्ला प्रहरी कार्यालय झापाले जनाएको छ । दुर्घटनामा सिटीमा सवार गौरादह९३ निवासी ५५ वर्षीया रमा नेपाल र सोही ठाउँकी ४४ वर्षीया मेनुका भण्डारी घाइते भएका छन् ।
त्यस्तै पिकअप चालक गौरीगञ्ज बस्ने राजेश दास पनि घाइते भएका छन् । घाइतेहरूको दमकमा उपचार भइरहेको प्रहरीले जनाएको छ। दुवै सवारी साधनलाई प्रहरीले नियन्त्रणमा लिएको छ।
