विराटनगर । कोशी प्रदेशका मुख्यमन्त्री केदार कार्कीले आगामी बुधबार प्रदेशसभाबाट विश्वासको मत लिने हुनु भएको छ ।
संविधानको धारा १६८ को उपधारा ५ अनुसार दुई दिनअघि मुख्यमन्त्री नियुक्त भएका कार्कीले विश्वासको मत लिन लाग्नु भएको हो ।
प्रदेशसभा नियमावली २०७४ को नियम १२८ बमोजिम मुख्यमन्त्री कार्कीले विश्वासको मत लिने प्रस्तावको सूचना प्रदेशसभामा दर्ता गर्नुभएको छ ।
विश्वासको मत लिने प्रस्तावमाथि छलफल हुनुभन्दा दुई दिनअघि प्रदेशसभा सचिवलाई सूचना दिनुपर्ने व्यवस्था अनुसार सोमबार प्रदेशससभामा सूचना दर्ता गरिएको हो ।
आफूसहित काँग्रेसका ८ र एमालेका ३९ प्रदेश सांसदको समर्थनमा कार्की मुख्यमन्त्री बन्नु भएको हो ।
एमालेका उपनेता रामबहादुर मगर र आफूसँगै कांग्रेसमा ‘विद्रोह’ गरेका इलामबाट प्रतिनिधित्व गर्ने सांसद शम्शेर राईलाई आइतबार उहाँले विनाविभागीय मन्त्री नियुक्त गर्नुभएको थियो ।
