काठमाडौं । नेकपा एमालेका अध्यक्ष केपी शर्मा ओलीले विश्वका गम्भीर समस्या समाधान गर्न एसियाली राजनीतिक दलहरुले नेतृत्वदायी भूमिका खेल्नुपर्ने बताउनुभएको छ ।
एसियाली राजनीतिक दलहरुको अन्तराष्ट्रिय सम्मेलन(आइक्याप)को स्थायी समितिको चौधौं बैठक एवं एसिया-युरोप राजनीतिक मञ्चको पाँचौ बैठकलाई शनिबार काठमाडौंमा सम्बोधन गर्दै ओलीले एसियाली राजनीतिक दलका हैसियतले विश्व आर्थिक मामिलामा एसियाको प्रभावकारी भूमिका बढाउन प्रयत्नशील रहँदा, विश्वका गम्भीर समस्या समधान गर्नसमेत नेतृत्वदायी भूमिका खेल्ने संकल्प गर्नुपर्ने बताउनुभएको हो ।
सवै द्विपक्षीय, क्षेत्रीय तथा बहुपक्षीय अन्तराष्ट्रिय मञ्चका सरोकारवालाहरुसंग साझा चासो र पारस्परिक लाभका बिषमा सहकार्य गर्न चाहेको उहाँले बताउनुभयो । विदेश मामिलामा सार्वभौम समानता, पारस्परिक लाभ, न्याय र निष्पक्षताले निर्देशित गरेको भन्दै उहाँले सवैसंग मित्रता, छैन कसैसंग शत्रुता भन्ने सिद्धान्तमा एमालेको अटल विश्वास रहेको धारणा राख्नुभयो ।
अध्यक्ष ओलीले नेपालमा परिपूर्ण लोकतन्त्रकोे अवधारणा अवलम्वन गर्दै नेपाली जनताको सुख र समृद्धिको आकांक्षा पुरा गर्नुलाई सवैभन्दा ठूलो कार्यभार मानेको उल्लेख गर्नुभयो । उहाँले नेपालमा राजनीति र राजनीतिक दलको निरन्तर प्रयत्नबाट मुलुकमा आत्म-निणर्यको अभ्यास गर्न सक्षम भएको र मानवअधिकार र मौलिक स्वतन्त्राको प्राप्ति सम्भव भएको बताउनुभयो ।
उहाँले राजनतिक स्थायीत्व हासिल गर्दै आर्थिक विकासको बाटो पहिल्याउने तथा आन्तरिक स्थीरता र बाह्य सुरक्षा कायम राख्न सक्ने मुलुक नै समृद्धशाली राज्य भएको जिकिर गर्नुभयो । सवैका लागि न्याय, सम्मान र समानता कायम गरी सहअस्तित्व, सहिष्णुता, सद्धाभव तथा सहयोगको भावना प्रवद्र्धन गर्न राजनीतिक दलहैको असाधारण भूमिका हुने उहाँले बताउनुभयो ।
