काठमाडौं । नेकपा (माओवादी केन्द्र)का उपाध्यक्ष कृष्णबहादुर महराका छोरा राहुल महरा पक्राउ परेका छन् ।
विद्युतीय सिगरेट (भेप) मा सुन ल्याएको प्रकरणमा मुछिएका राहुललाई प्रहरीको केन्द्रीय अनुसन्धान ब्युरो (सिआईबी)ले बुधबार पक्राउ गरेको हो ।
केन्द्रीय अनुसन्धान ब्युरो-सीआईबीका प्रवक्ता प्रहरी उपरीक्षक नवराज अधिकारीले भन्नुभयो, ‘उहाँ हाम्रो नियन्त्रणमा हुनु हुन्छ ।’
कहाँबाट नियन्त्रणमा लिइएको ? भन्ने प्रश्नमा उहाँले भन्नुभयो, ‘यती हो उहाँ हाम्रो नियन्त्रणमा हुनुहुन्छ । अहिले अनुसन्धान भइरहेको छ ।’
