काठमाडौं । यस वर्षको एसईई परीक्षाको नतिजा शुक्रबारभित्र सार्वजनिक गर्ने तयारीमा बोर्ड जुटेको छ ।
बोर्डका परीक्षा नियन्त्रक विष्णुनारायण श्रेष्ठले असार २२ गतेभित्र जुनसुकै दिनमा पनि नतिजा सार्वजनिक गर्न सकिने जानकारी दिनुभयो ।
उहाँकाे भनाइमा प्राविधिक कठिनाइ नआए २२ गतेभित्रै नतिजा सार्वजनिक हुन्छ । बोर्डको कार्यतालिका अनुसार नै नतिजा सार्वजनिक हुनेछ ।
२०७९ चैत १७ गतेदेखि भएको एसईई परीक्षामा चार लाख ८५ हजार ३९६ विद्यार्थी सहभागी थिए ।
२ हजार ३७ केन्द्रबाट सो परीक्षा सञ्चालन गरिएको थियो ।
