बिर्तामोड । अनेरास्ववियुको २३ औं महाधिवेशनबाट केन्द्रीय सचिव नियुक्त हुनु भएका झापा गाउँपालिकाका मनोज ताम्लीलाई युवा संघ नेपालले सम्मान गरेको छ ।
बिर्तामोडको डोमालाल राजबंशी रंगशालामा बुधबार आयोजित एक कार्यक्रमकाबीच झापाको विद्यार्थी आन्दोलनका होमिनु भएका उहाँलाई सम्मान गरिएको हो ।
केन्द्रीय सदस्यमा निर्वाचित कचनकवल गाउँपालिकाका रोशन लामा र बुद्धशान्ति गाउँपालिकाका रोशन भट्टराईलगायतलाई युवा संघ नेपालका अध्यक्ष फुर्वा लामा र नेकपा एमाले झापाका अध्यक्ष दिपक कार्कीले संयुक्त रुपमा सम्मान गर्नु भएको थियो ।
यसैबीच युवासंघ नेपालले नेकपा एमालेका अध्यक्ष एवम पूर्व प्रधानमन्त्री केपी शर्मा ओलीको सम्मानार्थ मैत्रीपूर्ण फुटबल प्रतियोगितासमेत सम्पन्न गरेको छ ।
झापाको डोमालाल राजवंशी रंगशालामा अनेरास्ववियु झापा र युवा संघ झापाबीच भएको खेलमा अनेरास्ववियु झापा ६–३ गोल अन्तरले विजयी भएको थियो ।
