काठमाडौं । सशस्त्र प्रहरी महानिरीक्षक राजु अर्यालले आइतबार हुने मतदानलाई सफल बनाउन सशस्त्र प्रहरीको भूमिका महत्वपूर्ण हुने बताउनुभएको छ ।
उहाँले आउँदो ४ गते हुने प्रतिनिधिसभा तथा प्रदेशसभा सदस्य निर्वाचनमा उत्कृष्ट ढङ्गले कार्यसम्पादन गर्नसमेत सशस्त्र प्रहरीका कर्मचारीलाई निर्देशन दिनुभएको छ ।
उहाँले निर्वाचनमा सशस्त्र प्रहरी बल नेपालको भूमिका महत्वपूर्ण रहेको उल्लेख गर्दै कार्य क्षेत्रमा प्राप्त जिम्मेवारी निर्वाहमा कुनै कमी हुन नदिन सचेत गराउनु भयो ।
सशस्त्र प्रहरी बल नेपाल प्रधान कार्यालय हल्चोक स्वयम्भूमा बिहीबार ‘समर्पण एपीएफ मासिक’ पत्रिकाको विमोचनका क्रममा महानिरीक्षक अर्यालले सो धारणा व्यक्त गर्नुभएको हो ।
