झापा । नेकपा एमाले अध्यक्ष केपी शर्मा ओली आज प्रदेश १ का जिल्लाहरूमा आयोजित चुनावी सभाहरूलाई सम्बोधन गर्नु हुनेछ ।
निर्वाचनको पूर्व सन्ध्यामा अध्यक्ष ओलीले आज प्रदेश १ का तीन वटा चुनावी सभालाई सम्बोधन गर्ने कार्यक्रम छ । एमाले स्थायी कमिटी सदस्य गुरु बरालका अनुसार अध्यक्ष ओलीले आज १२ः०० बजे सुनसरीको दुहबी, दिउँसो २ः०० बजे लौकहीमा चुनावी सभालाई सम्बोधन गर्ने कार्यक्रम रहेको छ ।
यस्तै अध्यक्ष ओलीले आज साँझ ६ः०० बजे विराटनगरमा मोरङका उद्योगी व्यवसायीसँग अन्तरक्रिया गर्ने स्थायी कमिटी सदस्य बरालले जानकारी दिनुभयो । विराटनगरको अन्तरक्रिया सकेर अध्यक्ष ओली आजै झापाको दमकस्थित आफ्नो निवासमा फर्कने कार्यक्रम छ । यस्तै, अध्यक्ष ओलीले चुनावी प्रचारको अन्तिम दिन भोलि मङ्सिर १ गते झापाको दुई चुनावी सभालाई सम्बोधन गर्नुहुनेछ।
