काठमाडौं । निलम्बित प्रधानन्यायाधीश चोलेन्द्रशमशेर जबराविरुद्धको महाभियोग सिफारिस समितिले आज पनि जबरासंग बयान लिने भएको छ । उहाँसंग बयान लिने काम आजै सक्ने समितिको तयारी छ ।
समितिले जबरालाई बयानका लागि दिउँसो १ बजे बोलाएको छ।
बैठक भने बिहान ११ बजे बोलाइएको छ । सिफारिस समितिले जबरासँग हालसम्म ३५ वटा प्रश्नको जवाफ लिएको छ। जबराविरुद्ध ४३ वटा उजुरी परेका छन्। ती सबै उजुरीको जवाफ समितिले लिइरहेको छ।
जबराले राजनीतिक भागबण्डा खोजेको भन्दै गत फागुन १ मा सत्ता गठबन्धनका ९८ सांसदले महाभियोग दर्ता गरेका थिए। त्यसपछि उहाँ निलम्बनमा हुनुहुन्छ।
समितिले आज बयान सकेर प्रतिवेदन बुझाउने तयारी गरेको छ।