काठमाडौँ । सत्ता गठबन्धनको सिट बाँडफाँटका लागि दलहरुले मंगलबार पनि छलफल गरेका छ ।
प्रधानमन्त्री निवास बालुटारमा बसेको बैठकमा सकारात्मक रुपमा सिट बाँडफाँटका बिषयमा छलफल भएको कांग्रेस नेता एवं सञ्चारमन्त्री ज्ञानेन्द्र बहादुर कार्कीले जानकारी दिनुभयो ।
बुधवार पुनः छलफल गरेर छिटै टुंगो लगाइने उहाँले बताउनुभयो । धेरै मोडालिटीमा छलफल गरेको र छिटै निष्कर्षमा पुगिने उहाँले बताउनुभयो ।
गठबन्धनबीच स्थानीय तहको चुनावका साथै २०७४ सालको समानुपातिक मतलाई समेत सिट बाँडफाँटको मुख्य आधार बनाएर छलफल भइरहेको छ तर ठोस निष्कर्ष भने निस्कन सकेको छैन ।