काठमाडौं । अहिले प्रदेश १, वागमती र लुम्बिनीका केही क्षेत्रमा वर्षा भइरहेको छ ।
दिउँसो देशका केही स्थानमा वर्षाको सम्भावना रहेको छ । प्रदेश १ का केही क्षेत्रमा भारी वर्षा हुनसक्ने मौसम पूर्वानुमान महाशाखाले जनाएको छ ।
राति प्रदेश १, लुम्बिनी र सुदूरपश्चिम प्रदेशका एक वा दुई स्थानमा भारी वर्षाको सम्भावना छ ।
हाल मनसुनको न्यून चापीय रेखा पश्चिममा सरदर स्थानभन्दा केही दक्षिणतिर छ भने पूर्वमा सरदर स्थान आसपासमा रहेको छ ।
अबको २४ घण्टा देशका केही स्थानमा मेघ गर्जन/चट्याङ्गसहित हल्कादेखि मध्यम वर्षाको साथै प्रदेश १, लुम्बिनी र सुदूरपश्चिमका एक वा दुई स्थानमा भारी वर्षाको सम्भावना रहेको भन्दै महाशाखाले उक्त भू-भागहरुमा पहिरो र नदी नाला तथा खहरे खोला बाढीको जोखिम रहेकाले सतर्क रहन अनुरोध गरेको छ ।
