झापा । झापाको कनकाई नगरपालिका ८ मा रहेको पिकनिक स्पटमा घुम्न गएका बालकको खोलाले बगाएर मृत्यु भएको छ ।
मृत्यु हुनेमा विर्तामोड नगरपालिका १ अतिथि सदन टोल बस्ने नविन ओलीको ६ बर्षीय छोरा सर्वजित ओली रहेका छन् ।
शुक्रबार दिउँसो १ बजे बुबासँग घुम्न आएका बालक बिरङ खोला छेउबाट हराएर बेपत्ता भएका थिए ।
हराएका बालकको खोजतलास गर्ने क्रममा हराएको स्थानबाट ५०० मिटर दक्षीणमा बालकको मृत अवस्थामा भेटिएको थियो।
उक्त घटनाको अनुसन्धान भइरहेको प्रहरीले जनाएको छ।
