पाँचथर । फालेलुङ गाउँपालिका वडा नम्बर ७, बिहिदिनमा गएराति पहिरोले घर र गोठ पुर्दा एक जनाको मृत्यु भएको छ। एक जना बेपत्ता छन् ।
बेपतामध्ये ४२ वर्षिय रुपलाल मगर पुरिएको अवस्था मृत फेला परेको जिल्ला प्रहरी कार्यालय पाँचथरका प्रहरी नायव उपरिक्षक राकेश थापाले जानकारी दिनुभयो ।
मगरलाई शनिबार बिहान ८ः१५ बजे फेला पारिएको प्रहरीले बताएको छ । उहाँकी बुहारी ३८ वर्षिय गोमा मगर र उनको १९ वषीए भतिजी एलिसा मगर बेपत्ता भएको प्रहरीले बताएको छ ।
बेपत्ताहरुको उद्धार कार्य जारी रहेको तर बेपत्ताहरु फेला पार्न नसकिएको प्रहरीले बताएको छ । स्थानीय ७१ वर्षिय दलप्रसाद मगरको घर पहिरोले बगाएको हो ।
दलप्रसाद सकुशल छन्। बेपत्ताहरुको खोजी नेपाल प्रहरी, सशस्त्र प्रहरी बल र नेपाली सेनाले गरिरहेको जिल्ला प्रहरी कार्यालय पाँचथरले जानकारी दिएको छ । मृतक तथा बेपत्ता हुनेहरू एकै परिवारका सदस्यहरू हुन्।
