सर्लाही। सुर्योदय टेलिभिजनले मधेश प्रदेशको सर्लाही जिल्लामा प्रादेशिक कार्यालय उद्घाटन गरेको छ ।
कार्यालयको शुक्रबार बिधिवत रुपमा टेलिभिजनका अध्यक्ष मनोज उप्रेती, हरिबन नगरपालिकाका मेयर गणेश प्रसाई, नेकपा एमाले मधेश प्रदेश कमिटिका उपाध्यक्ष रेवती पन्त, जिल्ला अध्यक्ष राजनारायण शाह लगायतले उद्घाटन गर्नुभयो । प्रादेशिक कार्यालय स्थापनासँगै आधुनिक स्टुडियो समेत निर्माण गरिएकाले यस क्षेत्रका बिभिन्न बिषयलाई समेटेर कार्यक्रम समेत उत्पादन गरिने सिनियर कार्यक्रम अधिकृत केशवराज भण्डारीले जानकारी दिनुभयो ।
सुर्योदय टेलिभिजनले समाचार सूचना तथा मनोरञ्जनात्मक बिभिन्न कार्यक्रमहरु नियमित रुपमा प्रशारण गर्दै आएको छ ।
