झापा, माघ २६। नेपालको ३७ औं प्रधानमन्त्री एवं नेपाली कांग्रेसका तत्कालीन सभापति सुशिल कोइरालाको बुधवार सातौं स्मृति दिवस हो ।
कोइरालाकै नेतृत्वमा रहेको सरकारले २०७२ असोज ३ गते संविधान सभाबाट नेपालको संविधान २०७२ जारी गरेको थियो ।कोइरालाले नेपालको प्रजातान्त्रिक आन्दोलनमा निकै ठूलो योगदान दिनुभएको छ । स्वर्गीय कोइराला त्यागी, सादगी,सन्त र इमान्दार नेताको रुपमा चिनिनुहुन्थ्यो ।
कोइरालाले पार्टीमा लामो समयसम्म केन्द्रीय सदस्य, महामन्त्री, उपसभापति र कार्यवाहक सभापति भएर काम गर्नु भएको थियो । पार्टीको एघारौं महाधिवेशनपछि उहाँले पार्टीको कार्यवाहक सभापतिका हैसियतले काम गर्नु भयो । कोइराला २०६७ सालमा काठमाडौंमा भएको कांग्रेसको १२ औं महाधिवेशनमा सभापतिमा निर्वाचित हुनुभएको थियो । कोइरालाको जन्म सन् १९३९ मा बिराटनगरमा भएको थियो ।
