काठमाडौं । कोटेश्वर भाटभटेनी सुपरमार्केटले गत शुक्रबार राजावादीहरुबाट तोडफोड र लुटपाट हुँदा प्रतिकार गरेका साहसी कर्मचारीहरुलाई सम्मान गरेको छ ।
बुधबार कोटेश्वरस्थित भाटभटेनी परिसरमा भाटभटेनीका अध्यक्ष मीनबहादुर गुरुङले सुरक्षार्थ खटिएका कर्मचारी दुलप्रसाद पराजुलीलाई पाँच लाख एक हजार एक सय ११ रुपैयाँले सम्मान गरेका हुन् । पराजुलीले आफ्नो बहादुरी देखाउँदै लुटपाट गर्न आउनेहरुसँग एक्लै भिडेर लखेटेका थिए ।
यसैगरी अन्य कर्मचारी पनि नगदसहित सम्मानित भएका छन् । गत शुक्रबार राजावादीहरुले गरेको आन्दोलनमा भाटभटेनी पनि निशानामा परेको थियो, जहाँ स्टोर भवन तोडफोड गर्नुका साथै लुटपाट मच्चाउँदा ८० लाख रुपैयाँभन्दा बढी क्षति पुगेको अनुमान गरिएको छ ।
