झापा। झापाको कन्काई नगरपालिकामा खुकुरी प्रहारबाट श्रीमतीको मृत्यु भएको छ । घटनामा श्रीमान घाइते भएका छन् ।
कनकाई नगरपालिका वडा नं. ५ नारायणदल चौकमा आज बिहान खुकुरी प्रहारबाट लालबहादुर सार्कीकी श्रीमती ४० वर्षीया मनिषा मंग्रान्तीको घटनास्थलमानै मृत्यु भएको हो । त्यस्तै घाइते श्रीमान लालबहादुरको घाँटीमा चोट लागेको छ ।
घाइते लालबहादुरलाई उपचारको लागि बीएण्डसी अस्पताल बिर्तामोडमा भर्ना गरीएको छ । घटनामा संलग्नको पहिचान नभएपनि लालबहादुरले श्रीमतीको हत्या गरी आफूले आत्महत्याको प्रयास गरेको हुनसक्ने आशंकामा प्रहरीले अनुसन्धान गरीरहेको छ ।
