झापा । नेकपा एकीकृत समाजवादीले ३४४ जनाको केन्द्रीय कमिटीको नाम शुक्रबार घोषणा गरेको छ । त्यसमा झापाका ६ जना परेका छन् ।
झापाबाट पुष्प पोख्रेल, निलमणि बराल, चन्द्रा श्रेष्ठ, भाष्कर काफ्ले, अशेष घिमिरे र सविता भेटवाल केन्द्रीय सदस्य चयन भएका हुन् ।
अध्यक्ष माधवकुमार नेपाल, सम्मानित नेता झलनाथ खनाल र महासचिव घनश्याम भुसालको कार्यदलले केन्द्रीय कमिटी सदस्यको नाम टुंगो लगाएको हो ।
यसअघि असार १६ देखि २० सम्म काठमाडौंमा भएको दशौं महाधिवशेनले ९३ जनाको नाम घोषणा गरेको थियो । प्रचार विभाग प्रमुख जगनाथ खतिवडाले शुक्रबार थप २५१ सहित ३४४ केन्द्रीय कमिटी सदस्यको नाम घोषणा गरेको जानकारी दिएका छन् ।
महाधिवशेनले अध्यक्ष माधवकुमार नेपाल, सम्मानित नेतामा झलनाथ खनाल र महासचिव घनश्याम भुसाललाई अनुमोदन गरे पनि अन्य पदाधिकारी चयन गरेको छैन ।
