काठमाडौं । नेकपा एमालेले सचिवालय बैठक बोलाएको छ ।
एमालेले आगामी बिहीबार सचिवालयको बैठक बोलाएको प्रचार विभाग प्रमुख राजेन्द्र गौतमले जानकारी दिए ।
बैठकमा पार्टीको कार्ययोजना कार्यान्वयन, इन्चार्ज परिर्वनलगायत समसामयिक राजनीतिक विषयमा छलफल हुने बताइएको छ ।
एमालेले २०८१ को कार्ययोजना लागू गर्दैछ । यसअघि जिल्ला अधिवेशन नसकिएकाले नयाँ कार्ययोजना लागू हुन बाँकी छ ।
११ वटा जिल्ला अधिवेशन हुन बाँकी रहेको छ । ती जिल्ला अधिवेशन कात्तिक मसान्तभित्र गरिसक्न एमाले संगठन विभागले परिपत्र गरिसकेको छ ।
