झापा । उदयपुरको बेलका नगरपालिका-७ मेनामैनीमा बोलेर दुर्घटना हुँदा मृत्यु हुनेको संख्या ८ पुगेको छ ।
दुर्घटनामा परी ९ जना घाइते भएका छन् । भोजपुरको घोडेटारबाट सुनसरीको धरान तर्फ आउँदै गरेको को १ ज २५९३ नम्बरको बोलेरो आज बिहान ११ बजेको समयमा मैनामैनीमा सडकबाट अन्दाजी ४०० मिटर तल खसेर अचानक दुर्घटना हुँदा बोलेरोमा सवार रहेका ७ जनाको घटनास्थलमा र १ जनाको उपचारको क्रममा धरानको बि.पि.कोइराला स्वास्थ्य बिज्ञान प्रतिष्ठानमा मृत्यु भएको हो ।
मृतकहरुमध्ये चालक हतुवागढी गाउँपालिका-२ का ४० बर्षीय मान बहादुर बस्नेत र हतुवागढी गाउँपालिका-५ का ४२ बर्षीय किसान राईको सनाखत भएको र अन्य मृतकहरुको सनाखत हुन बाँकी रहेको छ ।
उक्त दुर्घटनामा परी ६ जना पुरुष र ३ जना महिला गरी ९ जना घाइते भएका छन् । घाइतेहरुको उद्धार गरी उपचारको लागी धरान पठाइएको छ भने सनाखत हुन बाँकी रहेका मृतकहरुको उद्धार गरी सनाखत गर्ने कार्य भइरहेको प्रहरीले जनाएको छ ।
