काठमाडौँ । दुर्गा प्रसाईं नेतृत्वको नागरिक बचाऊ अभियानले काठमाडौंको गौशालामा प्रदर्शन गर्ने क्रममा झडप भएको छ ।
अभियानलाई साथ दिदै धर्म गुरु परिवार नेपालले गौशाला चोकमा आयोजना गरेको सभाका क्रममा प्रहरी र प्रदर्शनकारीबीच झडप भएको हो ।
प्रदर्शनकारीले सडक अवरुद्ध गरेर सभा आयोजना गरेको थियो । प्रहरीले सडक सूचारु गर्न खोज्दा प्रदर्शनकारीले ढुङ्गामुढा प्रहार गरेपछि प्रहरीले केहि राउण्ड अश्रुग्यास प्रहार गरेको थियो ।
सभामा नागरिक बचाऊ अभियानका संयोजक प्रसाईं समेत पुगेका थिए । प्रहरीले केहि प्रदर्शनकारीलाई नियन्त्रणमा लिएको छ । त्यसअघि सभामा श्रीनिवास आचार्यलगाएतले आन्दोलन चर्काउनुपर्ने भन्दै उत्तेजक भाषण दिएका थिए ।
