झापा । ब्रह्मकुमारी राजयोग सेवा केन्द्रले समाजसेवीहरूलाई सम्मान गर्ने कार्यक्रमको सुरुवात गरेको छ ।
झापाको बिर्तामोडमा रहेको सेवा केन्द्रबाट समाजसेवी संघ/संस्था तथा व्यक्तिहरूलाई सम्मान गर्ने काम सुरु गरिएको हो ।
सोही क्रममा सूर्योदय टेलिभिजनलाई पनि केन्द्रले सम्मान गरेको छ । जनताका आवाजलाई उठान गर्ने विशेष भूमिकामा टेलिभिजनलाईसमेत सम्मान गरिएको हो ।
टेलिभिजनका तर्फबाट प्रधान सम्पादक उमाकान्त खनालले सम्मानपत्र ग्रहण गर्नुभयो ।
बुधबारबाट सुरु गरिएको सम्मान कार्यक्रम आगामी डिसेम्बर १० तारिक काठमाडौंमा समापन गरिने बताइएको छ ।
बिर्तामोडमा आयोजित कार्यक्रममा २४ संघ/संस्था तथा ३० जना समाजसेवी व्यक्तित्वहरूलाई सम्मान गरिएको थियो ।
