मोरङ । मोरङमा प्रतिबन्धित लागुऔषधसहित एक जना पक्राउ परेका छन् ।
पथरीशनिश्चरेमा साइकल चोरीमा संलग्न रहेका युवालाई नियन्त्रणमा लिने क्रममा उनको साथबाट प्रतिबन्धित औषधि बरामद भएको हो ।
पथरीशनिश्चरे नगरपालिका–२ स्थित प्रदीप धिमालको घरबाट साइकल चोरी गर्दै गर्दा शनिबार राति उर्लाबारी नगरपालिका–१ का २५ वर्षीय रमेश बराइली पक्राउ परेका थिए ।
धिमालको घरमा राखेको साइकल चोरी गर्दै गरेको थाहा पाएपछि स्थानीयले नियन्त्रणमा लिएर बराइलीलाई प्रहरीको जिम्मा लगाएका थिए ।
शरीर खानतलासी गर्दा उनको साथबाट स्पासपेन ४७, ट्रमाडोल ९६ र डिकोलिक ५० ट्याब्लेट बरामद भएको इलाका प्रहरी कार्यालय पथरीका डीएसपी लक्ष्मी भण्डारीले जानकारी दिए ।
उनका अनुसार बराइलीलाई आवश्यक अनुसन्धान एवं कारबाहीका लागि औषधि व्यवस्था विभागको जिम्मा लगाउने तयारी गरिएको छ ।
नेपालमा प्रयोगमा प्रतिबन्ध लगाइएको औषधि मिसाएर दुव्र्यसनीले लागूऔषधका रूपमा प्रयोग गर्ने गरेको प्रहरीले जनाएको छ ।
