काठमाडौं । राष्ट्रिय स्वतन्त्र पार्टी (रास्वपा)ले संसदीय दलको बैठक बोलाएको छ।
बैठक सोमबार बिहान ११ बजे संसदीय दलको कार्यालय सिंहदरबारमा बस्ने सचेतक निशा डाँगीले जानकारी दिनुभयो । उहाँका अनुसार बैठकमा यसअघि साउन ९ गते बसेको बैठककै विषयहरूमा छलफल हुनेछ ।
संसदमा सांसदहरूको भूमिका कसरी प्रभावकारी बनाउने, विधेयकमा छलफल बढाउने र पार्टी कामको व्यवस्थापन मुख्य कार्यसूची रहेको बताइएको छ।