धरान । धरान उपमहानगरपालिकाका प्रमुख हर्कराज साम्पाङले कोशीको पानी धरान ल्याउने प्रोजेक्टमा बजेट नपरे सांसद्हरुलाई निषेध गर्ने चेतावनी दिएका छन् ।
आइतबार सामाजिक सञलमा स्ट्याटस लेख्दै साम्पाङले भन्नुभएको छ, ‘यसपालिको बजेटमा कोशीको पानी ल्याउने प्रोजेक्ट परेन भने माननीयज्यूहरूलाई धरानमा निषेध गरिनेछ । तल तीनकुने मै बोर्ड राखिनेछ फोटो सहितको । ख्याल नठान्नु होला । यो फेसबुक चलाउने मान्छे धरानको नगर प्रमुख हो भन्ने नभुल्नु ।’
साम्पाङको उक्त अभिव्यक्तिलाई काठमाडौं महानगरपालिका प्रमुख बालेन्द्र शाहले पूर्णरुपमा समर्थन जनाउनु भएको छ ।
साम्पाङको स्ट्याटसमा शाहले लेख्नुभएको छ, ‘पूर्ण समर्थन, गर्ने नै यही हो ।’
