काठमाडौं । प्रमुख प्रतिपक्षी दल नेपाली कांग्रेसका सभापति शेरबहादुर देउवासँग लोकतान्त्रिक समाजवादी पार्टीका नेताहरुले भेटवार्ता गरेका छन् ।
देउवा निवास धुम्बाराहीमा भएको भेटमा लोसपा नेताहरुले राष्ट्रपतिमा पार्टी अध्यक्ष महन्थ ठाकुरलाई सहयोग गर्न कांग्रेस सभापति देउवासँग आग्रह गरेका छन् ।
देउवासँगको छलफलमा लोसपा अध्यक्ष ठाकुर, नेताहरू राजेन्द्र महतो, शरतसिंह भण्डारी, अनिल झा लगायत सहभागी थिए ।
लोसपाका नेताहरूले मंगलबार प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल प्रचण्ड र नेकपा (एमाले) का अध्यक्ष केपी शर्मा ओलीसँग छुट्टाछुट्टै छलफल गरेका थिए ।
