झापा । सुनसरीको देवानगंज गाउँपालिका ६ को सडक खण्डमा ट्रयाक्टर दुर्घटना हुँदा चालकको मृत्यु भएको छ भने सहचालक घाईते भएका छन ।
आज मंगलबार बिहान देवानगंज-रासी सडक खण्डमा को. २ त ६२३८ नम्बरको ट्रयाक्टर अनियन्त्रित भई सडक साईडमा पल्टि दुर्घटना हुँदा घाईते भएका ट्रयाक्टर चालक बर्जु गाउँपालिका-५ का ४० बर्षीय प्रमोद पंडितको उपचारको क्रममा कोशी अस्पताल बिराटनगरमा मृत्यु भएको हो ।
घाईते सहचालक देवानगंज-२ का ३० बर्षीय धिरेन्द्र खत्वेको सोही अस्पतालमा उपचार भईरहेको छ । घटना सम्वन्धमा इलाका प्रहरी कार्यालय देवानगंजबाट थप अनुसन्धान भईरहेको छ ।
