धनकुटा । धनकुटा महोत्सवको सांगितिक कार्यक्रममा भीडमा भागदौड मच्चिँदा ३२ जना घाइते भएका छन् ।
घाइतेमध्ये ३ जनाको अवस्था गम्भीर भएको बताइएको छ ।
घाइतेको धनकुटा अस्पतालमा उपचार हुन नसकेपछि धरानको बिपी कोइराला अस्पताल पठाइएको छ ।
कार्यक्रमस्थलमा खरेलले गीत गाइरहँदा भागदौड मच्चिएको थियो ।
कार्यक्रममा आयोजकले टिकटविनाका दर्शकलाई कार्यक्रममा छिर्न नदिएपछि भागदौड मच्चिएको थियो । अहिले त्यस ठाउँको अवस्था सामान्य भइसकेको धनकुटाका प्रहरी प्रमुख एसपी लक्ष्मीराज अधिकारीले जानकारी दिनुभयो ।