झापा । नेकपा एमाले बागमती प्रदेश संसदीय दलको नेतामा जगन्नाथ थपलिया चयन हुनुभएको छ ।
एमाले बागमती प्रदेशको संसदीय दलको बैठकले थपलियालाई सर्वसम्मत रुपमा दलको नेतामा चयन गरेको हो । प्रदेशसभाको दोस्रो ठूलो दल एमालेका थपलिया चितवन क्षेत्र नम्बर–१ (क) बाट निर्वाचित सांसद हुनुहुन्छ ।
एमाले अध्यक्ष केपी शर्मा ओली निकट रहनुभएका उहाँ एमालेका निर्वाचित सांसदहरु मध्ये जेष्ठ सदस्य पनि हुनुहुन्छ । बागमती प्रदेशसभामा एमालेबाट प्रत्यक्ष तर्फ १३ र समानुपातिक तर्फ १४ जना गरि २७ जना सांसद रहनुभएको छ ।
