झापा । नेपाल टी–२० क्रिकेट लिगको आज आइतवारको पहिलो खेलमा लुम्बिनी अल स्टार्सले विराटनगर सुपर किङ्ग्सलाई हराएको छ ।
त्रिवि क्रिकेट मैदान कीर्तिपुरमा लुम्बिनीले विराटनगरलाई तीन रनले हरायो । लुम्बिनीले दिएको एक सय ५८ रनको लक्ष्य पछ्याएको विराटनगरले २० ओभरमा छ विकेट गुमाएर एक सय ५४ रनमात्रै बनायो ।
यसअघि पहिले ब्याटिङ गरेको लुम्बिनीले श्रीलङ्काका लाहिरु मिलन्थाको ८० रनको मद्दतमा एक सय ५७ रन बनाएको थियो । आजको जितसँगै लुम्बिनी दुई खेलमा चार अङ्कसहित तालिकाको शीर्ष स्थानमा छ ।
